एस् ए एन् एन् न्यूज
नेपाली कांग्रेसका सांसद विनोद चौधरीले रास्वपाका सभापति रवि लामिछानेलाई राजनीतिक ‘स्टन्ट’ बन्द गर्न आग्रह गरेका छन् ।चौधरीले आज सामाजिक संजालमार्फत एक पोष्ट राख्दै लामिछानेलाई यस्तो आग्रह गरेका हुन् । हिजो बसेको प्रतिनिधि सभाको बैठकमा लामिछानेले अनुसन्धानमा रहेका व्यक्ति बालकोटमा गएर गीत गाएको भन्दै चौधरीको आलोचना गरेका थिए ।
चौधरीले लेखेका छन्, ‘विवादित विगत र वर्तमान भएको र अहिले पनि राज्यको छानबिनको घेरामा रहेको व्यक्तिले जसरी संसदजस्तो गरिमामय थलोमा कुण्ठा पोखे, ती स्टन्टको राजनीतिबाहेक अरू केही होइन,’ ।
