एस् ए एन् एन् न्यूज
प्रथम काठमाडौं हरर फिल्म फेस्टिभल महोत्सव आइतबार साँझ सम्पन्न भएको छ । समापन समारोहमा बिजयी फिल्महरुलाई पुरस्कृत समेत गरिएको छ ।
नेपाल फिल्म तथा सांस्कृतिक प्रतिष्ठानद्वारा आयोजित फेस्टिभलमा रुस, इन्डोनेसिया, भारत, मेक्सिको, बंगलादेश र नेपालका सहित बिभिन्न १५ देशका २५ बटा फिल्म फिल्म पनि प्रदर्शन गरिएका थिए । महोत्सवको अन्तिम दिन उत्कृष्ट फिल्मलाई पुरस्कृत गरियो । प्रस्कृत हुनेमा इन्डोनेसियाली फिल्म ‘लाबिनाक’ सर्वश्रेष्ठ कथानक फिल्म घोषित भएको छ । त्यस्तै मेक्सिकोको फिल्म ‘अ इयर अफ म्यारिज’ सर्वश्रेष्ठ छोटो फिल्म बनेको छ ,भने बंगलादेशको ‘फरिनर्स वन्ली’ सर्वश्रेष्ठ युवा फिल्म घोषित भएको छ ।जुरी स्पेसल अवार्ड भारतीय फिल्म ‘बोक्सी’ले प्राप्त गरेको घोषणा गरिएको थियो ।
नेपाल चलचित्र तथा सांस्कृतिक प्रतिष्ठानका उपाध्यक्ष, शिव पुरीको अध्यक्षतामा भएको उक्त समारोह मन्त्री परामर्शदाता, कार्यवाहक प्रमुख, रूसी संघको दूतावास, कूटनीतिक नियोग, आन्द्रेई किसेलेन्कोको प्रमुख आतिथ्यमा तथा संस्कृति, पर्यटन तथा नागरिक उड्डयन मन्त्रालयका सहसचिव रामकृष्ण लामिछानेको बिशेष अतिथ्यमा भएको थियो ।
समारोहमा चलचित्र निर्माता तुलसी घिमिरे ,रूसी हाउसकी निर्देशक र रूसी संघको दूतावासकी परामर्शदाता, सुश्री अनास्तासिया खोखलोभा ,चलचित्र पत्रकार संघका अध्यक्ष समीर बलामी , मोशन पिक्चर संघका उपाध्यक्ष गोपाल काजी कायस्थ ,चलचित्र सेन्सर बोर्डका सदस्य कुबेर गिरी,चर्चित अभिनेत्री सुश्री उषा रजक , नेपाल ग्रामीण चलचित्र महोत्सवका अध्यक्ष रघुनाथ सापकोटा, IWART का नेपाल च्याप्टर अध्यक्ष सुश्री इच्छा गुरुङ,श्री नेपाल अन्तर्राष्ट्रिय मानव अधिकार चलचित्र महोत्सव अध्यक्ष, पाण्डव खत्री लगायत अतिथिका रुपमा हुनु हुन्थ्यो । कार्यक्रममा बिभिन्न १५ देशका २५ बटा फिल्म प्रर्दशन गरिएको र जसमा नेपालका राजभाई सुवाल, स्वीडेनकी सुश्री एलेक्जेन्ड्रा एनबर्ग, मोरक्कोकी सुश्री यास्मिन बोउचफर र जर्मनीका होसम फाहमी रहेको अन्तर्राष्ट्रिय निर्णायक मण्डलले मुल्याकन गरेको जानकारी दिईयो ।
हामी IWART – नेपाल च्याप्टरका अध्यक्ष श्रीमती इच्छा गुरुङलाई विजेताको घोषणा गर्न र नेपाल ग्रामीण फिल्म महोत्सवका अध्यक्ष रघुनाथ सापकोटा , हामी नेपाल मानव अधिकार फिल्म महोत्सवका अध्यक्ष पाण्डव खत्री अभिनेत्री सुश्री उषा रजक , श्रीमती अनास्तासिया खोखलोभा (रसियाली हाउसकी निर्देशक र नेपालस्थित रूसी दूतावासकी काउन्सिलर) र रामकृष्ण लामिछाने (संस्कृति, पर्यटन र नागरिक उड्डयन मन्त्रालयका सहसचिव) ले बिभिन्न बिधामा पुरस्कृत हुने नाम बाचन साथै बिजयीलाई पुरस्कार प्रदान गर्नुभएको थियो ।
कायैक्रममा निर्देशक भार्गव सैकिया,रामकृष्ण लामिछाने ,फिल्म निर्माता तुलसी घिमिरे, आन्द्रेई किसेलेन्कोले बिभिन्न बिधामा पुरस्कृत हुने बिजयीलाई पुरस्कार प्रदान गर्नुका साथै आआफ्नो मन्तब्य राख्नुभएको थियो ।
