एस् ए एन् एन् न्यूज
नेकपा (एमाले)का संसदीय दलका नेता रामबहादुर थापाले राष्ट्रिय स्वतन्त्र पार्टी (रास्वपा)का सभापति रवि लामिछानेले प्रधानमन्त्रीसहित सरकारको तत्काल पुनर्गठनका लागि पहल गर्न आग्रह गरेको छ ।
प्रतिनिधि सभाको बुधवारको बैठकमा बोल्दै उनले यस्तो बताएको हो । उनले मुलुकको निकाशका लागि तीन वटा विकल्पन रहेकोमा अब सरकारको पुनर्गठनको विकल्प नरहेको टिप्पणी गरे । उनले तत्काल सरकार पुनर्गठन नगरिए राष्ट्रियता, लोकतन्त्र र जनजीविका पुन:स्थापनाका चारैदिशाबाट अकल्पनीय जनसुनामी आउने चेतावनी समेत दिए ।
उनले वर्तमान सरकार सरकार पाकिस्तानी मोडलमा सञ्चालन भइरहेको र विस्तारै उत्तर कोरियाली मोडलतर्फ अघि बढिरहेको आरोप पनि लगाए । उनले भने रास्वपाका सभापतिज्यूले पार्टीको प्रमुख राजनीति नेताको हैसियतले प्रधानमन्त्रीसहित सरकारको अविलम्ब पुनर्गठन गर्न पहल गर्नुपर्दछ । सम्माननीय सभामुख महोदय अन्तिम विकल्प बाँकी छ । अन्यथा राष्ट्रियता, लोकतन्त्र तथा जनजीविका पुनस्र्थापना गर्न छिट्टै चारैदिशाबाट २००७, २०४७, २०६५ सालको भन्दा विशाल, अल्कपनीय जनसुनामी आउनेछ । किनभने इतिहासले भन्छ संकटको गर्भबाट खसमाधान जन्मिन्छ । प्रश्नको मर्मबाट उत्तर जन्मिन्छ ।’
उनले सरकारको कार्यशैलीले नागरिकको मौलिक हकमाथि समेत प्रहार भइरहेकोतर्फ समेत सचेत गराए ।
