एस् ए एन् एन् न्यूज
सशस्त्र प्रहरीको टोलीले सुनसरीको धरानबाट १९० किलोग्राम गाँजा बरामद गरेको छ।प्रतिबन्धित सूचीमा रहेको उक्त गाँजा यही सोमबार धरान उप(महानगरपालिका(१३ शिवधारास्थित कोशी लोकमार्गबाट बरामद गरिएको हो ।
सशस्त्र प्रहरी नायव उपरीक्षक देवेन्द्रबहादुर सिंहको कमाण्डमा खटिएको टोलीलाई देखेपछि भेडेटारबाट धरान आउँदै गरेको बा १० च ६८५२ नम्बरको रातो सुजुकी कार चालक भागेका थिए ।
चालक भागेर सडकमै अलपत्र छाडिएको कार चेकजाँच गर्दा प्लास्टिकमा प्याकिङ गरिएको १९० केजी प्रतिबन्धित लागु औषध गाँजा फेला परेको हो ।
बरामद भएको गाँजा र कारलाई नियन्त्रणमा लिई आवश्यक कारबाहीका लागि इलाका प्रहरी कार्यालय धरानमा बुझाउन लागिएको सशस्त्र प्रहरीले जनाएको छ ।
