एस् ए एन् एन् न्यूज
एक अमेरिकी न्यायाधीशले ट्रम्प प्रशासनले कोलम्बिया विश्वविद्यालयका विद्यार्थी महमूद खलीललाई देश निकाला गर्न सक्ने फैसला गरेका छन्। अध्यागमन अदालतको निर्णयको अर्थ खलीललाई तुरुन्तै देशबाट निष्कासन गरिनेछ भन्ने चाहिँ होइन।
न्यायाधीशले खलीलका वकिलहरूलाई यस आदेशविरुद्ध अपिल गर्न अप्रिल २३ सम्मको समय दिएका छन्। प्यालेस्टाइनसमर्थक विरोध प्रदर्शनमा भूमिका खेलेको आरोपमा उनलाई गत महिना पक्राउ गरिएको थियो। महमूद खलील मार्च ८ देखि लुइसियाना डिटेन्सन सेन्टरमा छन्। एउटा पत्रमा खलीलले आफ्नो गिरफ्तारी प्यालेस्टिनीहरूको अधिकारको लागि आवाज उठाएको परिणाम भएको बताएका छन्।
खलील संयुक्त राज्य अमेरिकाका कानुनी स्थायी बासिन्दा हुन् र उनी कुनै पनि अपराधको आरोपमा पक्राउ परेका छैनन्। यद्यपि, अमेरिकी सरकारले उनको देशमा उपस्थिति अमेरिकी विदेश नीतिको हित विपरीत भएको बताएको छ।
