एस् ए एन् एन् न्यूज
गढवा–कोइलाबास सडक खण्डअन्तर्गत गढवा गाउँपालिका–८ चिसापानीमा बुधबार दिउँसो कोइलाबासबाट लमहीतर्फ जाँदै गरेको रा१ख ८३३ नम्बरको यात्रुवाहक बस ब्रेक फेल भई दुर्घटना हुँदा २३ जना यात्रु घाइते भएका ईलाका प्रहरी कार्यालय गढवाका प्रहरी निरीक्षक कालिका कार्कीले जानकारी दिनुभएको छ ।
घाइतेहरुलाई उपचारका लागि लमही अस्पताल ल्याउने काम भइरहेको छ । उहाँका अनुसार घाइतेहरुको अवस्था समान्य रहेको छ । दुर्घटनाका घाइतेहरुको नेपाल प्रहरी, सशस्त्र प्रहरी र स्थानीयले घाइतेको उद्धार गरेका थिए । प्रहरीले बस चालक ५५ वर्षीय जोखनप्रसाद चौधरीलाई नियन्त्रणमा लिएर घटनाबारे अनुसन्धान भइरहेको जानकारी प्रहरी निरीक्षक कार्कीले जानकारी दिनुभएको छ ।
