एस् ए एन् एन् न्यूज
उद्योग तथा उपभोक्ता कल्याण कार्यालयले हुम्लाको सिमकोटमा दुई दिने औद्योगिक प्रदर्शनी आयोजना गर्ने निर्णय गरेको छ। कार्यालय प्रमुख प्रदीप रेगमीले असार ११-१२ गते स्थानीय उत्पादनका सामग्रीको प्रवर्द्धन र प्रचारका लागि प्रदर्शनी आयोजना गरिने जानकारी दिए। खाद्य पदार्थदेखि कपडा र कम्बलसम्मका स्थानीय उत्पादनहरू प्रदर्शनमा राखिने छ। स्वदेशी सीप र उत्पादनहरूको प्रचार प्रसारका लागि यो कार्यक्रम प्रभावकारी माध्यम हुने रेगमीले जानकारी दिए।
मेलामा प्रतिस्पर्धात्मक प्रदर्शनी पनि हुन्छ जहाँ पहिलोले रु ३०,००० दोस्रोले रु २०,००० र तेस्रोले रु १०,००० नगद पुरस्कार पाउनेछन्। स्वदेशी उत्पादनका लागि बजार नभेटिएकोमा यस्तो समयमा आयोजना गरिएको कार्यक्रमले अर्थतन्त्रलाई गतिशील बनाउन योगदान पुऱ्याउने विश्वास गरिएको छ।
