एस् ए एन् एन् न्यूज
युक्रेनका राष्ट्रपति भोलोदिमिर जेलेन्स्कीले रुसी राष्ट्रपति भ्लादिमिर पुटिनलाई रूस र युक्रेन वीचको चार वर्ष भन्दा लामो द्वन्द्व अन्त्य गर्नका लागि प्रत्येक्ष वार्ता गर्ने आह्वान गरेको छ । खुला पत्रमा जेलेन्स्कीले युद्ध अन्त्य गर्ने प्रस्ताव इमानदारीपूर्वक, मर्यादाका साथ र पुन: युद्ध नहुने ग्यारेन्टीका साथ गरिनु पर्नेसमेत बताएको छ ।
जेलेन्स्कीले प्रस्तावित बैठक परम्परागत रूपमा अन्तर्राष्ट्रिय वार्ताको लागि मध्यस्थताको भुमिका निर्वाह गर्दै आएका स्विट्जरल्याण्ड, टर्की, वा अरबका कुनै देशहरूमा हुन सक्ने उल्लेख गर्नु भएको छ । उनले आफ्नो देश वार्ता प्रक्रियाको अवधिमा पूर्ण युद्ध–विराम लागू गर्न तयार रहेको बताउदै संयुक्त राज्य अमेरिकासहितका अन्य अन्तर्राष्ट्रिय साझेदारहरूले युद्धविरामको पालनाको निगरानी गरेर मद्दत गर्न सक्ने बताएको छ ।
यदि रूसले युद्ध–विराम प्रस्ताव अस्वीकार गरेमा किएभले आफ्नो अस्तित्वका लागि लडाँइ जारी राख्ने कुरामा जेलेन्स्कीले जोड दिएको छ । प्रतिक्रियामा, क्रेमलिनका प्रवक्ता दिमित्री पेस्कोभले रूसले युद्ध–विराम प्रस्तावलाई स्वागत गरेको उल्लेख गर्दै जेलेन्स्कीले कुनै पनि समयमा मस्कोको यात्रा गर्न सक्ने बताएको छ ।
पेस्कोभले राष्ट्रपति पुटिनले अझै पनि उक्त खुला पत्रको समीक्षा नगरिसकेको बताउदै चाँडै यसको बारेमा जानकारी दिइने बताएको छ । द्वन्द्व समाधानका लागि कूटनीतिक प्रयासहरू रोकिएका कारण खुल्ला पत्र आदान–प्रदान भएको जनाइएको छ ।
यसैबीच पुटिनले कुनै पनि दीर्घकालीन सम्झौताले रूसको सुरक्षा चिन्ता सहित युद्धको “मूल कारण“ को रूपमा वर्णन गरेको विषयलाई सम्बोधन गर्नुपर्ने बताएको छ ।
