एस् ए एन् एन् न्यूज
जोर्डनको सशस्त्र बलले आफ्नो हवाई रक्षा प्रणालीले बिहीबार जोर्डनलाई लक्षित गरी प्रहार गरिएका आठ वटा इरानी मिसाइलहरू खसालेको दाबी गरको छ । जोर्डनियन सशस्त्र बलको जनरल कमान्डको एक सैन्य स्रोतले स्थापित रक्षात्मक र परिचालन प्रक्रियामा अवरोध गरि मिसाइल खसालिएको पुष्टि गर्दै यस प्रक्रियामा कुनै चोटपटक वा भौतिक क्षति नभएको जनाएको छ ।
रोयल इन्जिनियरिङ कप्र्स टोलीहरूले धेरै स्थानहरूमा खसेको भग्नावशेषको व्यवस्थापन गर्नुका साथै प्राविधिक तथा सुरक्षा प्रक्रिया अनुसार तिनीहरूलाई सुरक्षित गरेको स्रोतले जनाएको छ । जोर्डनको सशस्त्र बलले उच्च स्तरको तयारीका साथ हवाई क्षेत्रको निगरानी जारी राखेको कुरामा जोड दिदै स्थापित नियमहरू अनुसार कुनै पनि खतराको सामना गर्ने तयार रहेको पुष्टि गरेको छ ।
