एस् ए एन् एन् न्यूज
काठमाडौँबाट नुवाकोटतर्फ जाने सडकखण्डअन्तर्गत लिखु नगरपालिका–३, पटाबारीमा पहिरो खसेको छ। सडक अवरुद्ध भएपछि काठमाडौँ–नुवाकोटतर्फ आवतजावत गर्ने दर्जनौँ सवारीसाधन बिच बाटोमै अलपत्र परेका छन्। आवतजावत ठप्प हुँदा नुवाकोट र रसुवाका बाढीपहिरो प्रभावितका लागि राहत सामग्री बोकेका सवारीसाधनसमेत बिच बाटोमै रोकिएका छन्।
स्काभेटर प्रयोग गरी पहिरो पन्छ्याउने काम भइरहेको छ । ठुलो पहिरो भएकाले सडक पूर्ण रूपमा सञ्चालनमा आउन केही घण्टा लाग्न सक्ने सुरक्षाकर्मी तथा पहिरो पन्छाउने काममा खटिएका कामदारले बताएका छन्।
