एस् ए एन् एन् न्यूज
हिन्दू धर्मावलम्बीहरूको महत्त्वपूर्ण धार्मिक परम्परा पितृपक्ष अर्थात् सोह्रश्राद्ध आजदेखि सुरु भएको छ। आश्विन कृष्ण प्रतिपदादेखि आश्विन शुक्ल प्रतिपदासम्म रहने यस अवधिमा दिवंगत आफन्तको सम्झनामा तर्पण, पिण्डदान तथा श्राद्ध गर्ने परम्परा छ।
आफ्ना दिवंगत पितृको मृत्यु भएको तिथिअनुसार श्राद्ध गर्ने गरिन्छ। सोह्रवटा तिथिमा पितृलाई श्रद्धापूर्वक सम्झिएर पितृकार्य गरिने भएकाले यसलाई ‘सोह्रश्राद्ध’ भनिएको हो। पितृपक्षमा प्रतिपदादेखि औंसीसम्म विभिन्न तिथिमा श्राद्ध तथा तर्पण गर्ने विधान छ। मृत्यु भएको तिथि थाहा नभएकाले भने पञ्चमी, अष्टमी, द्वादशी वा औंसीका दिन श्राद्ध गर्ने चलन रहेको धार्मिक मान्यता छ।
बडादशैं र तिहारजस्ता ठूला पर्वअघि पर्ने पितृपक्षलाई दिवंगत आफन्तप्रति श्रद्धा व्यक्त गर्ने तथा पितृऋण सम्झने अवसरका रूपमा लिइन्छ। यससँगै काठमाडौंको पशुपति क्षेत्र लगायत विभिन्न तीर्थस्थलमा तर्पण तथा पिण्डदान गर्न जाने श्रद्धालुको चहलपहलसमेत बढ्ने गरेको छ।
