एस् ए एन् एन् न्यूज
नेपाली कांग्रेसमा निर्वाचनअगावै महाधिवेशन आवश्यक भएको भन्दै २५ संस्थापन पक्षीय केन्द्रीय सदस्यहरूको समूहले सभापति शेरबहादुर देउवासँग भेट गरी पार्टी विवाद समाधानमा ध्यानाकर्षण गराएको छ। भेटमा सभापति देउवाले पार्टी विभाजन नहोस् भन्ने आफ्नो इच्छालाई पुष्टि गरे। समूहका सदस्यहरूले निर्वाचनअघि विशेष महाधिवेशन आवश्यक रहेको र पार्टीलाई निकास दिन भूमिका निर्वाह गर्न आग्रह गरेका थिए।
केन्द्रीय सदस्य डा. डिला संग्रौलाका अनुसार समूहले महामन्त्री गगन थापा र विश्वप्रकाश शर्मासँग पनि छलफल गर्दै छ। १६ पुसमा तय भएको वडा अधिवेशन प्रभावित भएपछि महामन्त्रीद्वयले नियमित महाधिवेशन स्थगित गर्ने निर्णय गरेका थिए। पक्षधर समूहले २७ पुसका लागि विशेष महाधिवेशन आयोजना गर्ने तयारी पनि अघि बढाएको छ।
साथै, कांग्रेसले शुक्रबार दिउँसो ३ बजे केन्द्रीय कार्यसम्पादन समिति बैठक बोलाएको छ।
