एस् ए एन् एन् न्यूज
चीनले भ्रष्टाचारको मामिलामा दुई पूर्व रक्षामन्त्री ली साङ्फु र वेई फेङ्गेलाई मृत्युदण्डको सजाय सुनाएको छ। दुवैलाई सुरुमा २ वर्ष जेलमा राखिनेछ, र त्यस अवधिमा नयाँ अपराध नगरे सजाय आजीवन कारावासमा रूपान्तरण हुन सक्ने व्यवस्था छ।दुवै पूर्वमन्त्रीलाई घुस लिने, पदको दुरुपयोग गर्ने र सैन्य तथा सरकारी निर्णयहरूमा अनियमितता गरेको आरोप लागेको थियो।
उनीहरूलाई २०२४ मा चीनको सत्तारूढ कम्युनिस्ट पार्टीबाट निष्कासन गरिएको थियो। यो कदम राष्ट्रपति सी जिनपिङ नेतृत्वको भ्रष्टाचारविरोधी अभियानअन्तर्गत भएको मानिएको छ, जसले पछिल्ला वर्षहरूमा सेना र उच्च अधिकारीहरूलाई लक्षित गर्दै आएको छ।
