एस् ए एन् एन् न्यूज
श्रम संस्कृति पार्टीका अध्यक्ष हर्क साम्पाङले प्रधानमन्त्री वालेन्द्र शाहले संसदमा हाजिर गरे–नगरेको जाँच गर्न माग गरेका छन् । यदि अभिलेखमा प्रधानमन्त्रीले हाजिर नगरेको पाइए उनी प्रधानमन्त्रीबाट पदमुक्त हुने नियम रहेको साम्पाङले जिकिर गरे ।
संसद बैठकमा उनले भने, ‘प्रधानमन्त्री अस्ति संसद आउँदा हाजिर गर्नुभयो कि भएन ? उहाँको हाजिरी हेर्न अभिलेख शाखालाई अनुरोध गर्छु । हाजिर नगरेको भए प्रतिनिधिसभाको सदस्य नरहेको ठहर हुन्छ । प्रतिनिधिसभा नियमावलीको नियम ७७ को १ ले कुनै पनि व्यक्ति प्रतिनिधिसभा सदस्य नरहेको हकमा प्रधानमन्त्री पदबाट मुक्त हुनुपर्ने व्यवस्था छ । उहाँ कतिचोटि आउनुभो र हाजिर गर्नुभो देखाइदिन अनुरोध गर्छु ।’
उनले प्रधानमन्त्री शाहले नेपालले भारतको भूमि मिचेको भनी दिएको अभिव्यक्तिका सम्बन्धमा सदनसँग नभई ३ करोड नेपालीसँग माफी माग्नुपर्ने बताए ।
