एस् ए एन् एन् न्यूज
रसुवाको गोसाइँकुण्ड गाउँपालिका–५ स्थित स्याफ्रुबेँसीमा स्थानीय बासिन्दाले निर्माण गरेको काठे पुल बाढीले बगाएको छ। गत भदौ १० गते भोटेकोशीमा आएको बाढीले पक्की पुल बगाएपछि स्थानीयले आफ्नै श्रम र खर्चमा वैकल्पिक काठे पुल निर्माण गरेका थिए। तर, शनिबार उक्त काठे पुल पनि बगाएको हो।
पुल बगेसँगै गोसाइँकुण्ड र आमाछोदिङ्मो गाउँपालिकाबीचको आवतजावत पूर्ण रूपमा बन्द भएको छ। अन्य कुनै वैकल्पिक मार्गसमेत नहुँदा स्थानीय बासिन्दालाई आवतजावत गर्न कठिनाइ भएको छ।
