एस् ए एन् एन् न्यूज
मध्य चीनको एउटा प्राथमिक विद्यालयबाहिर कारले भिडलाई कुल्चिँदा एक दर्जनभन्दा धेरै बालबालिकाको मृत्यु भएको घटनामा अदालतले कार चालकलाई निलम्बित हुन सक्ने गरी मृत्युदण्डको सजाय दिएको छ । नोभेम्बर १९ मा चाङदे सहरमा भएको उक्त दुघर्टनामा १८ जना विद्यार्थी समेत ३१ जना घाइते भएका थिए । त्यतिबेला चीनमा एक हप्ताभित्र भिडलाई लक्षित गरेर भएको यो तेस्रो आक्रमण थियो ।
२ वर्षको निलम्बनको अवधिमा अरु अपराध गरेनन् भने हुआङ वेनको मृत्युदण्डको सजायलाई आजिवन काराबासमा परिणत गरिनेछ । अदालतको यो फैसला पछि सामाजिक सञ्जाल गर्माएको छ । केही प्रयोगकर्ताले अदालत हुआङमाथि उदार भएको आरोप लगाइरहेका छन् ।
लगानी गुमाएको अनि परिवारमा झैझगडा र द्वन्द्वको सामना गरिरहेको समयमा रिसको झोका हुआङले भिडमाथि गाडी चलाएको एउटा विज्ञप्तिमा अदालतले भनेको छ । सो घटनामा ठ्याक्कै कति जना घाइते भएका थिए भन्ने कुरा पहिलो पटक बाहिर आएको हो । उक्त घटनाबारे सामाजिक सञ्जालमा कयौँ पोस्ट भएका थिए । तर यस्ता कयौँ पोस्ट हटाइएको थियो ।
यो घटनाको केही दिन अघि पारपाचुकेका क्रममा श्रीमतीलाई गुजारा भत्ता र सम्पत्ति दिने विषयमा बेखुसी एक पुरुषले जुहाईमा भीडमाथि कार चलाएर ३५ जना मारेका थिए ।
