एस् ए एन् एन् न्यूज
नेकपा(माओवादी केन्द्र)को स्थायी समिति सुरु भएको छ । केन्द्रीय कार्यालय पेरिसडाँडामा सुरु भएको बैठकले भोलि बस्ने केन्द्रीय समिति बैठकको एजेन्डा तय गर्नेछ ।
असोज ५ गते बसेको पदाधिकारी बैठकमा अध्यक्ष पुष्पकमल दाहाल प्रचण्डले मौजुदा केन्द्रीय समिति विघटन गरी मङ्सिरमा विशेष महाधिवेशन गर्ने प्रस्ताव गरेका थिए । स्थायी समिति बैठकले महाधिवेशनको तिथि मिति, कार्यविधि, मोडालिटी लगायत विषयमा छलफल गरी प्रस्ताव तयार पार्ने बताए ।
माओवादीले भोलि बस्ने केन्द्रीय समितिको स्थान पनि तय गरेको छैन । भदौ २३ र २४ गते जेनजीको विद्रोहका कारण केपी ओली नेतृत्वको कांग्रेस–एमाले गठबन्धन सरकार ढलेको थियो ।
कार्यपालिका, व्यवस्थापिका, न्यायपालिका, सार्वजनिक/निजी सम्पत्तिका साथै व्यापारी प्रतिष्ठान ध्वस्त भएको थियो । विध्वंसकारी गतिविधिपछि परम्परागत पार्टीभित्र नेतृत्व छाड्न दबाब परेको छ ।
