एस् ए एन् एन् न्यूज
नेपाली कांग्रेसको विशेष महाधिवेशनको बन्द सत्रमा नेता एवं विघटित प्रतिनिधिसभा सदस्य सुनिल शर्माले पार्टी सभापति शेरबहादुर देउवालाई उद्घाटन समारोहमा उपस्थित हुन आग्रह गरेका छन् ।
उनले देउवालाई उमेरका कारणले अब माथिबाट मात्र बोलिराख्न नहुने भन्दै, ‘शेरबहादुर दाई, तपाईं इतिहास बोकेको नेता हुनुहुन्छ । अब भोलि बिहान हल उद्घाटन गर्न आउनुस, हामी विकल्प दिन्छौं,’ भनेका छन् । सुनिलले महाधिवेशनको विपक्षमा रहेका केन्द्रीय सदस्यहरूलाई उपस्थित भिडले ‘गिज्याएको’ टिप्पणी पनि गरेका छन् ।
सुनिलले पार्टीको ५४ प्रतिशत हस्ताक्षरलाई सामान्य छलफल गर्न नपाएको अवस्थालाई पनि “बिडम्बना” ठहर गरेका छन् । सुनिलको यो सम्बोधनले महाधिवेशनमा राजनीतिक धार र उमेरसँग सम्बन्धित संवेदनशीलता दुवैलाई प्रकाशमा ल्याएको छ ।
