एस् ए एन् एन् न्यूज
सोमबार इजरायल–अमेरिका र इरान बिचको युद्धको तेस्रो दिनमा प्रवेश गरेको छ । यसैबिच, कुवेतमा एक अमेरिकी लडाकु विमान दुर्घटनाग्रस्त भएको छ । सीएनएनका अनुसार कुवेतस्थित अमेरिकाको एयर बेस नजिक लडाकु विमान दुर्घटना भएको हो ।
प्रसारित भिडियोमा विमानमा आगो लागेको देखिन्छ । विमान आकाशबाट टेलस्पिन हुँदै खसेको देखाइएको छ । विमान कुन एयर बेसको हो भन्ने स्पष्ट भई नसकेको बताइएको छ । विश्लेषकहरूले विमान एफ–१५ ई वा एफ÷ए–१८ जस्ता ट्विन–इन्जिन लडाकु विमानसँग मेल खाने बताएका छन् ।
सीएनएनका अनुसार दुर्घटना अमेरिकी अली अल सालेम एयर बेसबाट करिब १० किलोमिटरभित्र भएको देखिन्छ । विमान किन दुर्घटनाग्रस्त भयो वा दुघर्टनाग्रस्त विमान कुन देशको वायुसेनाको हो भन्ने थाहा हुन सकेको छैन ।
कुवेतले पनि एफ/ए–१८ जेट प्रयोग गर्छ । अधिकारीहरूले दुर्घटनाबारे थप विवरण सार्वजनिक गरेका छैनन् ।
