एस् ए एन् एन् न्यूज
गत भदौ २३-२४ मा भएको जेन-जी आन्दोलनको अनुसन्धान प्रतिवेदन, पूर्वन्यायाधीश गौरीबहादुर कार्की नेतृत्वको आयोगद्वारा तयार गरिएको ८९८ पृष्ठको रिपोर्ट बाहिरिएको छ।
प्रतिवेदनमा संसद् भवन सुरक्षा जिम्मेवारी पाएका एसटीएफ कमाण्डर समुन्नत अधिकारीका बयान अनुसार पहिलो दिन माइतीघर मण्डलामा शान्तिपूर्ण देखिएका प्रदर्शनकारीले संसद् भवनमा प्रवेश गरी आगजनी र तोडफोड गर्न थाले। प्रहरीले अश्रुग्यास र हवाई फायर प्रयोग गर्दै स्थिति नियन्त्रणमा राख्ने प्रयास गरेको छ। भदौ २४ मा स्थिति अझ जटिल बन्दै गर्दा भीडले ४०,००० लिटर डिजेल ट्याङ्क, व्यारेक, मेस, क्यान्टिन, सीसीटीभी कक्ष र सुरक्षाकर्मीको व्यक्तिगत सामान जलेर नष्ट भएको प्रतिवेदनमा उल्लेख छ। प्रहरी, सेना र सशस्त्र प्रहरीबीच समन्वयमा समस्या देखिएको र यसले टोलीको मनोबलमा असर गरेको अधिकारीले बताएका छन्।
प्रतिवेदनले भविष्यमा एसटीएफलाई प्रभावकारी बनाउन विशेष तालिम, प्राविधिक उपकरण, रियल-टाइम खतराको विश्लेषण र प्रत्येक प्रदेशमा स्याटेलाइट बेस आवश्यक रहेको सिफारिस गरेको छ। साथै, व्यक्तिगत क्षति र नष्ट भएको सम्पत्तिको पुनर्स्थापना गर्न राज्यबाट उचित पहलको अपेक्षा गरिएको छ।
