एस् ए एन् एन् न्यूज
यमनको हुथी समूहले उत्तरपूर्वी मारिब प्रान्तमा साउदी अरबको सशस्त्र टोही ड्रोन खसालेको दाबी गरेको छ। हुथी सैन्य प्रवक्ता याह्या सरियाका अनुसार मारिबको आकाशमा ‘शत्रुतापूर्ण गतिविधि’ गरिरहेको ड्रोनलाई उपयुक्त हतियार प्रयोग गरी खसालिएको हो।
हुथी समूहले यमनको पश्चिमी तटीय क्षेत्रमा प्रवेश गरेका दुई साउदी एफ–१५ लडाकु विमानलाई समेत जमिनबाट आकाशमा प्रहार गर्ने क्षेप्यास्त्र प्रयोग गरी अवरोध गरेको दाबी गरेको छ। समूहका अनुसार विमानहरू कुनै कारबाही गर्नुअघि नै क्षेत्रबाट फर्किएका थिए।
यसअघि पनि हुथी समूहले मारिबमाथि साउदी एफ–१५ लडाकु विमान खसालेको दाबी गरेको थियो। यी दाबीबारे साउदी पक्षबाट तत्काल स्वतन्त्र पुष्टि भएको छैन।
