एस् ए एन् एन् न्यूज
फागुन २१ गते हुने प्रतिनिधि सभा निर्वाचनलाई लक्षित गर्दै प्रगतिशील लोकतान्त्रिक पार्टी (प्रलोपा) ले आफ्नो चुनावी प्रतिबद्धता पत्र (घोषणापत्र) सार्वजनिक गरेको छ । ‘सुदृढ लोकतन्त्र, समृद्ध समाज र स्वाधीन राष्ट्र’ भन्ने मूल नारासहित आइतबार राजधानीमा आयोजित कार्यक्रमबाट सार्वजनिक गरिएको उक्त घोषणापत्रमा पार्टीले मुलुकको शासकीय स्वरूपमा आमूल परिवर्तनको प्रस्ताव अघि सारेको छ ।
पार्टीले प्रत्यक्ष निर्वाचित राष्ट्रपति र पूर्ण समानुपातिक निर्वाचन प्रणालीलाई मुख्य एजेण्डा बनाएको छ, जसले राजनीतिक अस्थिरता अन्त्य गर्ने लक्ष्य राखेको छ।घोषणापत्रमा आर्थिक समृद्धि, सामाजिक न्याय, सुशासन र राष्ट्रिय स्वाधीनताका विविध पक्ष समेटिएका छन्, जसले मतदातालाई विकल्प रोज्न आह्वान गरेको छ।
