एस् ए एन् एन् न्यूज
राष्ट्रिय स्वतन्त्र पार्टी (रास्वपा) का सभापति रवि लामिछानेले आफूलाई घेराबन्दी गरेर सखापै पार्न खोजिएको भएपनि नसकेको बताएका छन् । चितवन १ को चुनावी सभालाई सम्बोधन गर्दै मध्यरातमा बेडरुममा छिरेर अन्तिम इच्छा के हो? भनेर सोधेको घटनाको स्मरण गरे ।
उनले भने, ‘हामीलाई त घेराबन्दी गरेका हुन् । उखेल्न खोजेका हुन्, लुछ्न खोजेका हुन्, मार्न खोजेका हुन्। मानसिक र भौतिक रूपमा सिद्ध्याउन खोजेका हुन्, सखाप गर्न खोजेका हुन् । मध्यरातमा बेडरुममा छिरेर ‘तेरो अन्तिम इच्छा के हो?’ भनेर सोधेका हुन् मलाई । त्यतिखेर मैले त जवाफ दिइनँ । मेरो अन्तिम इच्छा के हो भन्ने कुरा २१ गते तपाईँले बोल्नु पर्ने छ।’
