एस् ए एन् एन् न्यूज
नेत्रविक्रम चन्द विप्लव नेतृत्वको नेकपा (माओवादी)ले सुकुमबासीहरुले सुरु गरेको आन्दोलनलाई समर्थन गरेको छ । बुधबार सो पार्टीका प्रवक्ता प्रकाण्ड सीले एक विज्ञप्ति जारी गर्दै सुकुमबासीहरुले सुरु गरेको आन्दोलनमा समर्थन गर्दै सो अभियानमा साथ दिन सबैलाई आग्रह गरेका हुन् ।
साथै, उठिबास गरिएका भूमिहीन र सुकुमबासीहरुलाई वैकल्पिक बसोबास र भूमिको व्यवस्था गर्न समेत सो पार्टीले सरकारसँग जोडदार माग गरेको छ ।
सो पार्टीले बालेन नेतृत्वको सरकारले भूमिहीन र सुकुमबासी बस्तीमा डोजर चलाएर उठिबास गरेको भन्दै विरोध गर्दै आएको छ । वैशाख १२ गतेबाट सरकारले देशव्यापी रूपमा सुकुमबासी बस्तीमा डोजर चलाइरहेको छ ।
