एस् ए एन् एन् न्यूज
मंगलबार फाइनान्स समूहको उपसूचक बाहेक १२ वटा उपसूचक धनात्मक भएका छन् । सबैभन्दा बढी डेभलपमेन्ट बैंक समूहको उपसूचक ४.९० प्रतिशतले बढेको छ भने होटल तथा पर्यटन समूहको उपसूचक २.५३ प्रतिशतले र नन् लाइफ इन्स्योरेन्स समूहको उपसूचक २.३९ प्रतिशतले बढेका छन् ।
यसैगरी हाइड्रोपावर समूहको उपसूचक १.६२ प्रतिशतले बढेको छ भने माइक्रोफाइनान्स समूहको उपसूचक १.४१ प्रतिशतले, इन्भेष्टमेन्ट समूहको उपसूचक १.१३ प्रतिशतले र बैंकिङ समूहको उपसूचक १.१० प्रतिशतले बढेका छन् ।
कूल २४५ कम्पनीको सेयर दोस्रो बजारमा कारोबार भएकोमा मंगलबार २१५ कम्पनीको सेयर मूल्य बढेको छ भने २६ कम्पनीको घटेको छ । ४ वटा कम्पनीको मूल्य भने स्थिर रहेको नेप्सेले जनाएको छ ।
