एस् ए एन् एन् न्यूज
पूर्वसभामुख एवं संविधानसभाका अध्यक्ष सुवास नेम्वाङको निधन भएपछि इलाम–२ मा हुन लागेको उपनिर्वाचनमा उनकै छोरा सुहाङले उम्मेदवार बन्न पार्टीमा निवेदन दिएका छन् । आगामी १५ बैशाखमा हुने उपनिर्वाचनमा नेकपा एमालेका तर्फबाट उम्मेदवार बन्न सुहाङ नेम्वाङले निवेदन दिएका हुन् ।
एमालेको इलाम जिल्ला कमिटीले उम्मेदवार चयन गर्न पार्टी उपाध्यक्ष उदयबहादुर राई नेतृत्वमा अध्ययन कार्यदल गठन गरेको छ । सोही कार्यदलले उम्मेदवारका आकांक्षीहरुसँग निवेदन मागेको थियो ।
संयोजक राईका अनुसार, अहिलेसम्म उम्मेदवार बन्न सुहाङ, रवीन्द्र सुवेदी, बुद्धि खनाल र देवी क्षेत्री दुलाल गरी चार जनाले निवेदन दिएका छन् ।
