एस् ए एन् एन् न्यूज
क्यालिफोर्निया । क्यालिफोर्नियाको कोचेलामा डोनाल्ड ट्रम्पको र्याली नजिकै शनिबार एक व्यक्तिलाई पक्राउ गरिएको छ। ती व्यक्तिको साथबाट एक थान सटगन, पेस्तोल र नक्कली राहदानी बरामद भएको प्रहरीले जनाएको छ ।
पक्राउ पर्नेमा ४९ वर्षीय वेम मिलरका रहेका छन् । कालो रंगको एसयूभी चलाउँदै गर्दा सुरक्षाकर्मीले उनलाई सुरक्षा चौकी नजिकै रोकेका थिए ।
रिभरसाइड काउन्टी प्रहरी कार्यालयले मिलरलाई हिरासतमा लिइएको जनाएको छ। मिलरलाई लोडेड बन्दुक र उच्च क्षमताको गोलाबारुद राखेको अभियोग लगाइएको छ।
अमेरिकी गुप्तचर सेवाले डोनाल्ड ट्रम्पको सुरक्षामा कुनै खतरा नरहेको बताएको छ । स्थानीय प्रहरीले पक्राउ परेका अभियुक्तलाई ‘मानसिक सन्तुलन’ ठिक नभएको बताएको छ । प्रहरी कार्यालयका अनुसार यो घटनाले ट्रम्पको सुरक्षा वा र्यालीमा उनको उपस्थितिमा कुनै फरक परेको छैन।
