एस् ए एन् एन् न्यूज
नेपाली कांग्रेसको केन्द्रीय अनुशासन समितिको जरुरी बैठक आज दिउँसो १ बजे बस्ने भएको छ
बैठक पार्टीको केन्द्रीय कार्यालय, बीपी स्मृति भवन, बीपी नगर, ललितपुरमा आयोजना हुने छ। पार्टीका कार्यवाहक मुख्यसचिव कृष्णप्रसाद दुलालले जारी गरेको विज्ञप्तिमा बैठकको उद्देश्य स्पष्ट गरिएको छ। बैठकमा हालका निर्वाचनमा देखिएका अन्तर्घात र पार्टी भित्र देखिएका विवादका विषयमा छलफल हुने छ। दुलालले सबै सम्बन्धित सदस्यलाई समयमै उपस्थित हुन आग्रह गर्दै बैठकको औपचारिक सूचना विज्ञप्तिमार्फत सार्वजनिक गरेका छन्।
