एस् ए एन् एन् न्यूज
राजावादी अभियन्ता दुर्गा प्रसाईंले सरकारले सीमा सुरक्षा भन्दा सुकुम्बासी हटाउने कार्यलाई प्राथमिकता दिएको भन्दै आक्रोश व्यक्त गरेका छन्।सञ्चारकर्मीसँग कुरा गर्दै उनले आफू सर्वहारा वर्ग, गरिब र सुकुम्बासीको पक्षमा लड्ने घोषणा गरेका छन् । उनले “म आजबाट सर्वहारा वर्ग, गरिब, सुकुम्बासीको पक्षमा लड्छु, सक्छौ भने पक्रेर लैजाउ” भन्दै सरकारको कदमप्रति आपत्ति जनाए ।
प्रसाईंले भूमिहीनहरू सरकारी जग्गामा कहाँ बस्ने भन्ने प्रश्न उठाउँदै घरविहीन नागरिकका समस्यालाई राज्यले बेवास्ता गरेको आरोप लगाए।साथै, उनले सरकारको ध्यान सुकुम्बासी बस्तीमा नभई कालापानी र लिपुलेकजस्ता सीमा विवादका विषयमा हुनुपर्नेमा जोड दिएका छन्।
उनले भने, ‘भोलीदेखि भारत र चीनले मानसरोबरको बाटो खोल्दैछन् । नेपाली सेनालाई त्यहाँ पठाउनु नि ?आफ्नो भूमि फिर्ता ल्याउनुपर्दैन? ग्रेटर नेपालको नक्सा लगाएको होइन मेयर हुँदा? त्यो भूमि किन फिर्ता ल्याउँदैन ?’
