एस् ए एन् एन् न्यूज
राप्रपा परित्याग गरेर नयाँ पार्टी बनाउन लागेका धवल शम्शेर राणाले बालेन शाह नेतृत्वको रास्वपाको एकल सरकारले धेरै गल्ती गरिसकेको बताएका छन्।
सरकार गठनको १०० दिन नपुग्दै सरकारले धेरै गल्ती गरिसकेको उनको भनाइ छ।
प्रस्तावित पार्टीबारे जानकारी दिन आज आज काठमाडौंको जमलमा कार्यक्रम गरेर राणाले भने, ‘बालेन सरकारमाथि १०० दिन पनि नपुग्दै प्रश्न उठेको छ, यो सरकारले तमाम गल्तीहरू गरिसकेको छ।’ देशमा बालेन शाह नेतृत्वको सरकार असफल भयो भने जनताले विकल्प खोज्ने आफूहरूले विकल्प दिने उनको भनाइ थियो।
‘देशमा बालेन सरकार असफल भयो भने नेपाली जनताले एउटा विकल्प खोज्नेछन्, त्यो विकल्प भनेको कांग्रेस-एमाले-माओवादी-राप्रपा होइन, त्यो विकल्प राजासहितको प्रजातन्त्र र हिन्दुराष्ट्र ल्याउने पार्टी हुनेछ। हाम्रो नयाँ बन्ने पार्टीले विकल्प दिनेछ। त्यो पार्टी अहिले स्थापना भइसक्थ्यो तर मलमास छ भनेर हो, मलमासपछि नाम, झण्डा, पार्टीको योजनालगायत आउनेछ।’
उनले आफूहरूको पार्टी तीव्र रूपमा जनताका बीचमा जाने पनि बताए। राप्रपा छाडेर उनले दुर्गा प्रसाईंसँग मिलेर नयाँ पार्टी बनाउन लागेका छन्।
