एस् ए एन् एन् न्यूज
धनुषाको ढल्केबरमा प्रस्तावित ट्रमा सेन्टर बन्नु पर्ने माग गर्दै पूर्वपश्चिम राजमार्ग अवरुद्ध गरिएको छ । ट्रमा सेन्टर संरक्षण संघर्ष समितिको आह्वानमा जारी आन्दोलनको आज पाँचौ दिन स्थानीयवासी, जनप्रतिनिधि तथा विभिन्न राजनीतिक दलका प्रतिनिधिसहितको सहभागितामा आधा घण्टा राजमार्ग अवरुद्ध गरिएको हो ।
बिहान ११ बजेदेखि ११: ३० बजेसम्म राजमार्ग अवरुद्ध गर्दै सरकारविरुद्ध नाराबाजी गरिएको छ । गत शुक्रबार प्रस्तावित ठाउँमै ट्रमा सेन्टर बन्नुपर्ने माग राख्दै संघर्ष समितिले चरणबद्ध आन्दोलन घोषणा गरिएको थियो । बुधबार सदनमा स्वास्थ्यमन्त्री निशा मेहताले लाहानमा बन्ने जानकारी गराएकी थिइन् । यसपछि ढल्केबर क्षेत्रमा विरोध सुरु भएको छ ।
भोलि पनि बिहान ११ बजेदेखि १२ बजेसम्म र २७ गते बिहान ११ बजेदेखि १ बजेसम्म चक्काजामको कार्यक्रम रहेको संघर्ष समितिका संयोजक समेत रहेका संघर्ष समितिका संयोजक समेत रहेका मिथिला नगरपालिकाका मेयर महेन्द्र महतोले बताए ।
हाल मिथिला नगरपालिका–७, साविकको ढल्केवर गाविस वडा नं २‘क’ को कित्ता नं १६९ को चार विघा क्षेत्रफल रहेको ऐलानी जग्गालाई आधार मानेर संघिय सरकारले आर्थिक वर्ष २०७८/०७९ को बजेटमा ट्रमा सेन्टर निर्माण गर्ने शीर्षकमा पहिलो पटक रकम विनियोजन गरेको थियो ।
उक्त योजनाका लागि जग्गा प्राप्तिको प्रक्रिया पनि पूरा भइसकेर लालपूर्जा बनिसकेको मेयर महतोले बताए । शिलान्यासको संघारमा रहेको उक्त योजना विवादित बनेको छ ।
