एस् ए एन् एन् न्यूज
नेविसंघले सभापति शेरबहादुर देउवा र तत्कालीन परराष्ट्र मन्त्री आरजु राणा देउवामाथि आक्रमण गर्न संलग्न रहेकाहरूमाथि कारबाही गर्न माग गरेको छ ।
नेविसंघ अध्यक्ष दुजाङ शेर्पाले प्रहरी प्रधान कार्यालय नक्साल पुगेर माग पत्र बुझाउँदै सभापति देउवा दम्पतीमाथि आक्रमण गर्न संलग्न रहेकाहरूलाई कडा कारबाही गर्न माग गरेका हुन् ।
‘सभापति शेरबहादुर देउवा र तत्कालीन परराष्ट्र मन्त्री आरजु राणामाथि सुनियोजित ढंगले भएको सांघातिक आक्रमणमा संलग्न व्यक्तिहरूलाई तत्काल अनुसन्धानको दायरामा ल्याइ विद्यमान कानुनी व्यवस्थाअनुसार कडा कारबाही गर्न माग गर्दछौं,’ अध्यक्ष शेर्पाले बुझाएको माग पत्रमा उल्लेख छ।
