एस् ए एन् एन् न्यूज
नेपाली कांग्रेसकी सहमहामन्त्री डिला संग्रौलाले निर्वाचन हारबारे आत्मालोचनासहित स्वीकार गर्ने तर पार्टी सभापति गगन थापा को राजीनामा अहिले विकल्प नभएको स्पष्ट पारेकी छन् ।
आज राष्ट्रिय प्रेस क्लब मा आयोजित अन्तरक्रियामा उनले यस्तो बताएकी हुन् । उनले भनेकी छन्,‘हामी जनतामा आत्मालोचना गरेर जान तयार छौँ। राजीनामा अहिलेको विकल्प होइन ।” उनले पार्टीको छोटो समयमै आएको पराजयको जिम्मेवारी सभापति थापाको टिमले लिने पनि बताइन् । संग्रौलाले सभापति थापा व्यक्ति नभई संस्था भएको र नियमित महाधिवेशनबाट नभई विशेष प्रक्रियाबाट आएका कारण अहिले पद त्यागको विकल्प नभएको बताइन्। उनले निर्वाचनमा पार्टी संरचना, सदस्य सक्रियता र उम्मेदवारले भोगेका चुनौतीहरूलाई समेत मूल्याङ्कन गरिने उल्लेख गरिन् ।
सहमहामन्त्री संग्रौलाले कांग्रेसले रास्वपाको सरकारलाई रचनात्मक सहयोग गर्न तयार रहेको र लोकतन्त्रमा हार–जित दुवै स्वीकार्य भएको पनि औंल्याइन्।
