एस् ए एन् एन् न्यूज
पूर्वप्रधानमन्त्री केपी शर्मा ओली र पूर्व गृहमन्त्री रमेश लेखक विरुद्धको म्याद थपसम्बन्धी सुनुवाइ आज आनन्द श्रेष्ठको इजलासमा हुने भएको छ।
लेखकलाई म्याद थपका लागि काठमाडौं जिल्ला अदालतमा भौतिक रूपमा उपस्थित गराइसकिएको छ भने स्वास्थ्य अवस्थाका कारण ओलीलाई भने भर्चुअल माध्यमबाट उपस्थित गराउने तयारी गरिएको छ।जेनजी आन्दोलन का घटनासम्बन्धी गठित जाँचबुझ आयोगको प्रतिवेदन कार्यान्वयन गर्ने क्रममा दुवै नेतालाई शनिबार प्रहरीले नियन्त्रणमा लिएको हो। हाल ओली उपचारका लागि अस्पतालमा रहेका छन् भने लेखक प्रहरी हिरासतमा छन्। चिकित्सकको सल्लाहअनुसार ओलीलाई अदालतमा भौतिक रूपमा उपस्थित गराउन सम्भव नभएपछि भिडियो कन्फ्रेन्सिङमार्फत पेश गरिने तयारी भएको हो।
उक्त जाँचबुझ आयोग, जसको संयोजकता गौरीबहादुर कार्की ले गरेका थिए, ले तत्कालीन प्रधानमन्त्री ओली र तत्कालीन गृहमन्त्री लेखकलाई जिम्मेवार ठहर गर्दै उनीहरूविरुद्ध फौजदारी अभियोगमा अनुसन्धान अघि बढाउन सिफारिस गरेको छ। सरकारले भदौ २३ र २४ का घटनासम्बन्धी प्रतिवेदन तत्काल कार्यान्वयन गर्ने निर्णय गरेसँगै यो प्रकरणमा कानुनी प्रक्रिया तीव्र बनाइएको छ।
