एस् ए एन् एन् न्यूज
नेकपा (एमाले)का नेता तथा पूर्वअर्थमन्त्री विष्णु पौडेललाई गैरकानूनी रूपमा थुनामा राखिएको दाबी गर्दै दायर गरिएको बन्दीप्रत्यक्षीकरणको निवेदनमाथि आज सर्वोच्च अदालतमा सुनुवाइ हुने भएको छ।
उक्त निवेदनमाथि न्यायाधीश टेकप्रसाद ढुंगाना र मेघराज पोखरेलको संयुक्त इजलासमा सुनुवाइ तय गरिएको छ। विशेष अदालतले अनुसन्धानको सिलसिलामा पौडेललाई थुनामै राख्न अनुमति दिएपछि त्यसविरुद्ध सर्वोच्च अदालतमा बन्दीप्रत्यक्षीकरणको निवेदन दर्ता गरिएको हो। सम्पत्ति शुद्धीकरण अनुसन्धान विभागले पदमा रहँदा गैरकानूनी लाभ लिएको तथा अपराधबाट आर्जित सम्पत्ति जोडेको आरोपमा अनुसन्धानका लागि गत साता पौडेललाई पक्राउ गरेको थियो।
अब सर्वोच्च अदालतको सुनुवाइले उनको थुना कानूनी वा गैरकानूनी भन्ने विषयमा प्रारम्भिक कानूनी मूल्यांकन गर्ने अपेक्षा गरिएको छ।
