बालेनको भारत भ्रमणको तयारी गर्न राजदूत पाण्डे भोलि दिल्ली जाँदै

भारतका लागि नवनियुक्त नेपाली राजदूत डा.निश्चलनाथ पाण्डे प्रधानमन्त्री वालेन्द्र शाह (बालेन) को भारत भ्रमणको तयारीका लागि मंगलबार नयाँ दिल्ली जाने भएका छन् ।

सोमबार राजदूतमा नियुक्त पाण्डेले दिल्ली पुगेर आफ्नो जिम्मेवारी सम्हाल्ने परराष्ट्र मन्त्रालय स्रोतले जनाएको छ। प्रधानमन्त्री शाह मंसिर ६ गते तीनदिने भारत भ्रमणमा जाने तयारीमा छन्। यद्यपि, सरकारले भ्रमणको औपचारिक मिति घोषणा गरिसकेको छैन। भ्रमणको एजेन्डा लगभग तय भइसकेकाले त्यसलाई अन्तिम रूप दिन दुवै देशले तयारी गरिरहेका छन् ।